NGOCRC - NGO Committee on the Rights of the Child

Attachments:
សៀវភៅមគ្គុទេសក៍អង្គការសមាជិក ២០១០-២០១១ (Khmer)	1723 Kb

Bamboo Shoots Document

Newsflash

ក្រុមកុមារកំព្រានៅក្នុងអង្គការបណ្ដុះបណ្ដាល និងថែរក្សាកុមារ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺបានដង្ហោយហៅសុំជំនួយពីមហាជនទូទៅមិនថា អ្នករស់នៅក្នុង ឬក្រៅប្រទេសទេ ខណៈនេះពួកគេកំពុងជួបការលំបាកយ៉ាងខ្លាំង។

ប្អូនស្រី មឿន ស្រីលក្ខណ៍ បាននិយាយថា ក្នុងនាមជាក្មេងម្នាក់នៅក្នុងមជ្ឈមណ្ឌលកុមារកំព្រានេះ នាងសូមសំណូមពរឲ្យបងប្អូនពុកម៉ែទាំងអស់ទាំងក្នុងប្រទេស និងក្រៅប្រទេស សូមជួយដល់កុមារកំព្រាកំពុងតែជួបនូវការលំបាកផង។

ស្រីលក្ខណ៍ និយាយថា “នៅក្នុងមជ្ឈមណ្ឌលបណ្ដុះបណ្ដាល និងថែទាំកុមារកំព្រា រាល់ការរស់នៅរបស់ពួកខ្ញុំតែងជួបការលំបាក…ពេលខ្លះ ដាច់បាយមួយពេលទៅពីរពេលក៏មានដែរ… សូមពុកម៉ែបងប្អូនទាំងអស់ ជួយដោះស្រាយការលំបាករបស់ពួកយើងផង”។

បន្ថែមពីនេះដែរ ប្អូនប្រុស សារ៉ន អាយុ១៤ឆ្នាំ រៀនថ្នាក់ទី៥ នៅសាលាបឋមសិក្សា ផ្លេក ភីរុណ និងជាកុមារកំព្រាមួយរូបក្នុងមជ្ឈមណ្ឌលនេះបានឲ្យដឹងថា រូបគេមកពីខេត្តកំពង់ចាមមកនៅទីនេះតាមរយៈពូ។ ប្អូនបានមករស់នៅក្នុងមណ្ឌលនេះ ប្រមាណជាពីរឆ្នាំហើយ។

មជ្ឈមណ្ឌលអត់ទាន់មានសម្ភារៈគ្រប់គ្រាន់សម្រាប់ប្រើប្រាស់នោះទេ។ ដូច្នេះ ប្អូនសំណូមពរដល់មនុស្សគ្រប់រូបមិនថា សូមជួយជាប្រាក់កាស និងសម្ភារៈផ្សេងៗផង ដើម្បីឲ្យពួកគេមានរបស់របរប្រើប្រាស់គ្រប់គ្រាន់។

“កន្លែងខ្ញុំអត់មានអីច្រើនទេ អត់មានបាយហូប អត់ខោអាវ។ ពេលខ្លះពួកខ្ញុំហូបបាយនឹងអំបិល ក៏មានដែរ”។ ភីរុណ រៀបរាប់ដូច្នេះ។

និយាយបណ្ដើរហូបបាយបណ្ដើរ ជួប ផាន្នី សិក្សាថ្នាក់ទី៦ នៅសាលាបឋមសិក្សា ផ្លេក ភីរុណដែរ បានរៀបរាប់ថា រូបគេជាក្មេងកំព្រាមកពីខេត្ត ព្រៃវែង ឪពុកម្ដាយស្លាប់ព្រោះកើតជំងឺអេដស៍ ហើយបានមករស់នៅទីនេះតាមរយៈអ៊ុំ។ ផាន្នីបានចូលរស់នៅក្នុងមណ្ឌលបានប្រមាណជាមួយឆ្នាំហើយ។

ផាន្នី និយាយថា “ខ្ញុំចង់ឲ្យបងៗទាំងអស់នាំអំណោយឲ្យបានច្រើនមកកាន់កន្លែងរបស់ខ្ញុំ ព្រោះអីកន្លែងរបស់ខ្ញុំជួបនូវផលលំបាកច្រើន ទាំងសំលៀកបំពាក់និងការហូបចុក។ មានតែបងៗទេ ដែលអាចជួយដោះស្រាយការលំបាករបស់ពួកខ្ញុំបាន”។

ប្អូន បន្ថែមថា ប្អូនគ្មានអ្វីជាទីពឹងទេ ក្រៅពីការស្នើសុំជំនួយពីមនុស្សគ្រប់គ្នាដែលរស់នៅក្នុងប្រទេស និងក្រៅប្រទេស។ “…បើពុកម៉ែ បងប្អូនអាណិតអាសូរដល់ពួកខ្ញុំ សូមមេត្តា ផ្ដល់អាហារ ស្លៀកពាក់ ឲ្យគ្រប់គ្រាន់ ដល់ពួកខ្ញុំផង”។ ផាន្នីទទួចសុំបែបនេះ។

ចំណែក ផា ភីនវិញ ដែលកំពុងតែឈ្ងោកហូបបាយបាននិយាយថា រូបគេមានអាយុ១៣ឆ្នាំ រៀននៅសាលាបឋមសិក្សា អន្លង់ជ្រៃ។ ប្អូនប្រុស មានស្រុកកំណើតនៅខេត្តកំពង់ឆ្នាំង ហើយមករស់នៅក្នុងមណ្ឌលប្រមាណជាពីរខែតែប៉ុណ្ណោះ។

ផាភីន រៀបរាប់ថា ប្អូនមិនដែលបានហូបឆ្ងាញ់បែបហ្នឹងទេពីមុនមក ទើបតែពេលនេះដែលបងៗសិល្បករ សិល្បៈការិនីមកគេធ្វើហូបឆ្ងាញ់។ រាល់ដងសម្លមានតែទឹកនិងបន្លែប៉ុណ្ណោះ។ ទាំងនេះ ដោយសារតែអត់សូវមានអ្នកណាមកជួយឧបត្ថម្ភច្រើនឡើយ។

“ខ្ញុំចង់ឲ្យបងៗជួយផ្ដល់អាហារ និងសម្ភារៈឲ្យបានច្រើនមកដល់ពួកខ្ញុំ ព្រោះអីសព្វថ្ងៃបងឃើញស្រាប់ហើយ អត់ទាន់មានអីគ្រប់គ្រាន់ផង។ បើសិនជាអាចផ្ដល់ច្រើនកាលណាល្អកាលហ្នឹង ដើម្បីឲ្យយើងទាំងអស់គ្នាបានរស់នៅដោយសុខស្រួល”។ ផានីនសំណូមពរបែបនេះ។

លោក មឿន ចំរើន ជាប្រធានអង្គការបណ្ដុះបណ្ដាលនិងថែរក្សាកុមារកំព្រាទំាងនេះ បានរៀបរាប់ថា ក្នុងមជ្ឈមណ្ឌលទាំងមូលជួបការលំបាកជាខ្លាំង ក្មេងកំព្រាទាំងអស់នៅទីនេះ មិនទាន់អាចរស់នៅនិងហូបចុកគ្រប់គ្រាន់នៅឡើយទេ។ ទាំងនេះ ក៏ដោយសារតែ មិនសូវមានសប្បុរសជនក្នុងនិងក្រៅស្រុក ចូលរួមចំណែកឲ្យបានច្រើន។ ម្យ៉ាងទៀតអង្គការនេះ មិនទាន់មានដៃគូរសហការនៅឡើយទេ មិនថាក្នុងស្រុក ឬក្រៅស្រុក អីចឹងហើយ ការលំបាកកើតមានសម្រាប់កូនក្មួយទាំងអស់មានច្រើន ទាំងការរស់នៅហូបចុក និងស្លៀកពាក់។

ប្រធានអង្គការបណ្ដុះបណ្ដាល និងថែរក្សាកុមារកំព្រា រូបនេះបន្តថា “ក្នុងមួយខែៗចំណូលបានមកពីសប្បុរសជននានា បានតែជាងមួយពាន់ដុល្លារតែប៉ុណ្ណោះ ហើយត្រូវចំណាយទៅវិញ ប្រមាណជាងបួនពាន់ដុល្លារ។ មានពេលខ្លះ ត្រូវយកលុយផ្ទាល់ខ្លួនដើម្បីជួយដោះស្រាយការលំបាកទៅដល់កូនក្មួយទាំងអស់គ្នា”។

លោក មឿន ចំរើន បានសំណូមពរ ទៅដល់មជ្ឈដ្ឋានទូទៅមេត្តាជួយជាថវិកា សម្ភារៈទោះតិចក្ដីច្រើនក្ដី ព្រោះអីពេលនេះមជ្ឈមណ្ឌលកំពុងខ្វះខាតជាខ្លាំង។

លោក បញ្ជាក់ផងដែរថា អង្គការបណ្ដុះបណ្ដាល និងថែរក្សាកុមារកំព្រា បង្កើតឡើងក្នុងឆ្នាំ១៩៩៩ ដំបូងឡើយ មានទីតាំងបណ្ដោះអាសន្ន នៅសាលាបឋមសិក្សា ផ្លេក ភីរុណ ដោយចិញ្ចឹមកុមារកំព្រា១២នាក់ និងបុគ្គលិក៤នាក់។ តែរហូតមកដល់ឆ្នាំ២០០៦ កុមារកំព្រា បានកើនឡើងដល់ទៅ៨០នាក់ ព្រមទាំងបុគ្គលិក ១០នាក់ ហើយចាប់តាំងពីឆ្នាំ២០០៧ មកដល់បច្ចុប្បន្នបានកើនឡើងដល់ទៅ ១២៨នាក់ ក្នុងនោះស្រី ៥៦នាក់។

ទាំងអស់នេះ ជាការលំបាកដែលកើតមានឡើងក្នុងមជ្ឈមណ្ឌលទាំងមូល។ ដូច្នេះហើយ មានតែសំណូមពរទៅដល់បងប្អូនខ្មែរទាំងអ្នករស់នៅក្នុងស្រុក និងក្រៅស្រុក មេត្តាជួយឧបត្ថម្ភដល់ពួកគេ។ មានតែបងប្អូនទេ ដែលផ្ដល់ក្ដីសង្ឃឹមទៅដល់ពួកគេ!

អត្ថបទៈ អ៊ីង សុឡា
រូបថតៈ លន ហ្សាឌីណា

ប្រភពៈ គេហទំព័រSabay

Our NGO members

RESOURCE CENTER

Announcement

ដំណឹងជ្រើសរើសបុគ្គលិក ផ្នែកសន្ដិសុខ

Latest Photos

NGO Member Directory 2010-2011

សិស្សសាលារងគ្រោះដោយអំពើចាប់រំលោភនៅសៀមរាបមិនហ៊ានទៅរៀន

បណ្តុះបណ្តាលនគរបាលមួលដ្ឋានពង្រឹងកិច្ចការពារកុមារនិងជនងាយរងគ្រោះ

ការអប់រំស្ត្រីអំពីសុខភាពជួយបន្ថយអត្រាមរណភាព

ឆ្អែតឆ្អន់នឹងជីវិតជាអ្នកសុំទានលើទឹកដី រៀតណាម បន្តវេនគ្នាពីកូនដល់ចៅ

Maid Agency Raid Rescues 22 Women, Girls

បណ្តាញកុមារអ្នកតស៊ូមតិមកពី១១រាជធានី-ខេត្តជួបជុំគ្នារាយការណ៍ពីសមិទ្ធផលនិងបញ្ហារបស់កុមារ

ប្រវត្តិក្មេងស្រីទាសករផ្លូវភេទនៅតំបន់ស្វាយប៉ាក

កម្ពុជាប្តេជ្ញាលុបបំបាត់អំពើហិង្សាលើស្ត្រី និងកុមារ

Cambodia’s draft law on NGOs deserves further review – UN expert